சன் தொலைக்காட்சியில் ஒளிபரப்பாகி வரும் பாண்டவர் இல்லம் என்ற சீரியலில் அந்த குடும்பத்தின் மூத்த மருமகளாக நடித்து வருபவர் நடிகை கிருத்திகா. இவர் பல வருடங்களுக்கு முன்னர் வெளியான மெட்டி ஒலி என்ற சீரியலிலேயே குழந்தை நட்சத்திரமாக நடித்துள்ளார்.
ஆனால் அதன் பின்னர் கல்லூரி படிப்புக்காக சீரியல் நடிப்பதில் இருந்து விலகினார். இதையடுத்து மீண்டும் சீரியலில் நடித்த அவருக்கு திருமணம் நடந்ததால் அதன் பின்னர் நடிப்புக்கு முழுக்குப் போட்டார். திருமணம் ஆன அவருக்கு ஒரு குழந்தையும் பிறந்தது.
ஆனால் குழந்தை பிறப்புக்கு பிறகு அவர் உடல் எடை ஏறியதால் அவர் கணவர் அவரை திட்டிக்கொண்டே இருந்துள்ளார். இது தவிர அவர்களுக்குள் அடிக்கடி வேறு காரணங்களால் பிரச்சனையும் எழுந்துள்ளது. அப்போது அவரின் கணவரின் தொழிலில் சில பிரச்சனைகள் ஏற்பட்டதால் அவர் மீண்டும் சீரியலில் நடிக்கலாம் என்ற முடிவை எடுத்துள்ளார்.
ஆனால் அப்போது அவர் 83 கிலோ எடையில் குண்டாக இருந்துள்ளார். ஆனால் அந்த சீரியலில் அக்கா வேடம்தான் என்பதால் அவரை நடிக்க வைக்க சம்மதித்துள்ளனர். ஆனால் அப்போதெல்லாம் அவர் “நீ எவ்ளோ பெருசா இருக்க பாரு. நீ குண்டா இருக்க.. நீ எப்படி இருக்க பாரு” என குறை சொல்லிக்கொண்டே இருந்துள்ளார்.
ஒரு கட்டத்தில் இருவரும் விவாகரத்து செய்துகொண்டுள்ளனர். குழந்தை கிருத்திகா வசமே வளர்கிறது. ஆனால் இப்போது தன்னுடைய உடல் எடையைக் குறைத்து ஸ்லிம் ஆன தோற்றத்துக்கு மாறியுள்ளார் கிருத்திகா. சீரியலிலும் அவர் நடிப்புக்கு பாராட்டுகள் குவிந்து வருகின்றன என்பது குறிப்பிடத்தக்கது.
