சினிமாவில் ஒண்டைம் வொண்டர் என சிலரை சொல்வதுண்டு. ஒரே ஒரு அழகான படைப்பு அல்லது நடிகர்களாக இருந்தால் படத்தோடு காணாமல் போய்விடுவார்கள். இத்தனைக்கும் அவர்களிடம் நடிப்புத்திறமையும், அழகும் இருக்கும். அப்படி அர்ஜுன் ரெட்டி திரைப்படத்தோடு காணாமல் போனவர்தான் ஷாலினி பாண்டே.
இவர் 1993 ஆம் ஆண்டு மத்திய பிரதேசம் உள்ள ஜபல்பூர் என்ற ஊரில் பிறந்தார். இவர் தனது பள்ளி மற்றும் கல்லூரி படிப்பை முடித்து விட்டு சினிமாவில் வாய்ப்புகளை தேடி வந்தார்.இவருக்கு சிறு வயதில் இருந்தே நடிப்பின் மீது உள்ள ஆர்வத்தால் தியேட்டர் ஆர்ட்டிஸ்ட் மற்றும் தொலைக்காட்சி நிகழ்ச்சிகளில் பங்கேற்று வந்தார். இவர் மாடலிங் துறையில் பணியாற்றி வந்தார்.பின்னர் இவர் ஹிந்தியில் சில வெப் சீரிஸ் படங்களில் நடித்துள்ளார்.
கடந்த 2017 ஆம் ஆண்டு நடிகர் விஜய் தேவரகொண்டா நடிப்பில் வெளியான அர்ஜுன் ரெட்டி படத்தின் மூலம் தெலுங்கு திரையுலகில் கதாநாயகியாக அறிமுகமானார் நடிகை ஷாலினி பாண்டே. இந்த திரைப்படம் ரசிகர்கள் மத்தியில் மிகப்பெரிய வெற்றியை பெற்றது.
இந்த திரைப்படம் தெலுங்கில் மட்டுமல்ல மற்ற மொழி ரசிகர்களிடையே நல்ல வெற்றியை பெற்றது.இந்த படத்தின் மூலம் தமிழ் தெலுங்கு என பல மொழி ரசிகர்கள் மத்தியில் பிரபலமானார்.
இவர் அர்ஜுன் ரெட்டி படத்திற்கு பிறகு தொடர்ந்து தெலுங்கில் என்டிஆர் , 118 கதாநாயகுடு, மகாநதி போன்ற பல படங்களில் நடித்துள்ளார்.இவர் 2018 ஆம் ஆண்டு மெரி நிம்மோ படத்தின் மூலம் ஹிந்தியில் அறிமுகமானார்.
இவர் ஜிவி பிரகாஷ் நடிப்பில் வெளியான 100% காதல் படத்தின் மூலம் தமிழ் சினிமாவில் அறிமுகமானார். பின்னர் இவர் ஜீவாவுடன் இணைந்து கொரில்லா என்ற படத்தில் நடித்திருந்தார்.இந்த திரைப்படம் சுமாரான வெற்றியை பெற்றது.
