இப்போது பாலிவுட்டில் சல்மான் கானோடு ஒரு படத்தில் நடித்து வருகிறார் பூஜா ஹெக்டே.
தமிழில் முகமூடி படத்தில் நடித்தாலும் பூஜே ஹெக்டேவுக்கு சரியான ப்ரேக் கிடைக்கவில்லை. இதையடுத்து தெலுங்கு சினிமாவில் நடிக்க ஆரம்பித்த அவருக்கு அடுத்தடுத்து மாஸ் ஹீரோக்களின் படங்களில் வாய்ப்புக் கிடைத்தது.
மகரிஷி, அலா வைகுந்தபுரம்லூ என வரிசையாக ஹிட்களைக் கொடுத்த அவருக்கு தமிழில் மீண்டும் பீஸ்ட் படத்தில் வாய்ப்புக் கிடைத்தது. ஆனால் அந்த படத்தில் அவருக்கு சொல்லிக்கொள்ளும்படியான கதாபாத்திரம் அமையாவிட்டாலும், அரபிக்குத்து பாடலின் டான்ஸில் ரசிகர்களைக் கவர்ந்தார்.
அதன் பின்னர் அவர் நடித்த திரைப்படமான ராதே ஷ்யாம் பேன் இந்திய அளவில் ரசிகர்களை அவருக்கு பெற்றுத் தந்தது. இப்போது சல்மான் கானோடு கிசிக்கா பாய் கிசிக்கா ஜான் என்ற பாலிவுட் படத்தில் நடித்து வருகிறார்.
எல்லா நடிகைகளையும் போலவே இவரும் சோஷியல் மீடியாவில் மிகவும் பிஸியாக இயங்கி வருகிறார். அவர் வெளியிடும் புகைப்படங்கள் இணையத்தில் வைரல் ஆகி வருகின்றன. அப்படி அவர் தற்போது வெளியிட்டுள்ள புகைப்படங்கள் ரசிகர்களை வெகுவாகக் கவர்ந்துள்ளன.
இந்நிலையில் இப்போது பாலிவுட்டில் சல்மான் கான் நடிக்கும் படத்தில் நடித்துவரும் பூஜா ஹெக்டே, அவரோடு காதலில் இருப்பதாக பாலிவுட் ஊடகங்கள் செய்தி வெளியிட்டுள்ளன. சல்மான் கான் ஏற்கனவே ஐஸ்வர்யா ராய் மற்றும் காத்ரீனா கைஃப் என பல முன்னணி நடிகைகளோடு காதலில் இருந்து பின்னர் அவர்களை பிரிந்தார்
