மர்மதேசம் சீரியலின் மூலம் அறிமுகமானவர்கள் நடிகர் சேத்தன் மற்றும் தேவதர்ஷினி. இவர்கள் இருவரும் பின்னர் நிஜ வாழ்க்கையிலும் ஜோடி சேர்ந்தனர். திருமணம் செய்துகொண்டு இருவரும் நடிப்பில் கவனம் செலுத்தி வருகின்றனர்.
சேத்தன் பல படங்களிலும் சீரியல்களிலும் வித்தியாசமான நடிப்பை வெளிப்படுத்தி ரசிகர்களைக் கவர்ந்து வருகிறார். சமீபத்தில் வெற்றிமாறன் இயக்கத்தில் வெளியான விடுதலை படத்தில் ஒரு கொடூரமான போலீஸ் அதிகாரியாக நடித்து அந்த கதாபாத்திரத்தின் மீது வெறுப்பை வரவைத்தார்.
அதே போல தேவதர்ஷினி குணச்சித்திர வேடங்களில் நடித்து வந்தவர் திடீரென காஞ்சனா படத்தின் மூலம் காமெடி நடிப்புக்கு தாவினார். அது வொர்க் அவுட் ஆகவே தொடர்ந்து அதே பாதையில் பயணித்து வருகிறார்.
இவர்கள் இருவரின் மகள் நியத்தி கடம்பி. டீனேஜ் பெண்ணான இவர் 96 படத்தில் அறிமுகமானார். அதில் தேவதர்ஷினி கதாபாத்திரத்தின் சிறு வயது வேடத்தில் நியத்தி நடித்திருந்தார். தாய், தந்தையைப் போலவே அவரின் நடிப்பும் கவனத்தை ஈர்த்தது.
தொடர்ந்து அவர் சினிமாவிலும் படிப்பிலும் கவனம் செலுத்தி வந்த நிலையில் இன்ஸ்டாகிராம் பக்கத்தில் அவர் வெளியிடும் புகைப்படங்கள் வைரலாகி வருகின்றன. அதிலும் சில புகைப்படங்களில் அவர் ஓவர் கிளாமராக ஆடையணிந்து காணப்படுவது ரசிகர்களுக்கு சங்கோஜத்தை ஏற்படுத்தியுள்ளது.
