கடந்த 2011 ஆம் ஆண்டு விமல் நடிப்பில் வெளியான வாகை சூட வா படத்தின் மூலம் தமிழ் சினிமாவில் பிரபலமானார் நடிகை இனியா.இந்த திரைப்படம் தேசிய விருதுகளை வென்றது.இந்த படம் ரசிகர்கள் மத்தியில் நல்ல வரவேற்பை பெற்றது.இவர் முதன் முதலில் 2005 ஆம் ஆண்டு சைரா என்ற மலையாள படத்தின் மூலம் சினிமாவில் அறிமுகமானார்.
பின்னர் ஆங்கிலத்தில் தி சேக்ரட் ஃபேஸ் என்ற குறும்படத்தில் நடித்திருந்தார். இவர் 1988 ஆம் ஆண்டு கேரளாவில் உள்ள திருவனந்தபுரத்தில் பிறந்தார்.இவர் நான்காம் வகுப்பு படிக்கும் போதே குழந்தை நட்சத்திரமாக தொலைக்காட்சி படங்களில் நடித்துள்ளார்.இவர் பல மலையாள தொலைக்காட்சி சீரியல்கள் மற்றும் ஆங்கில குறும்படங்களில் நடித்துள்ளார்.இவர் 2005 ஆம் ஆண்டு மிஸ் திருவனந்தபுரம் அழகிப் போட்டியில் கலந்து கொண்டு இறுதி சுற்றில் வெற்றியையும் பெற்றார்.
இவர் பாடகசாலை என்ற படத்தின் மூலம் தமிழ் திரையுலகில் அறிமுகமானார். பின்னர் இவர் மிஷ்கின் இயக்கத்தில் வெளியான யுத்தம் செய் படத்தில் நடித்தார். பின்னர் வாகை சூட வா படத்தில் நடித்தார்.இந்த படம் மிகப் பெரிய வெற்றிப் படமாக அமைந்தது.இவர் தொடர்ந்து மௌனகுரு, அம்மாவின் கைபேசி, சென்னையில் ஒரு நாள், நான் சிகப்பு மனிதன், புலிவால் போன்ற பல படங்களில் நடித்தார் ஆனால் அந்த படங்கள் இவருக்கு வெற்றியை கொடுக்கவில்லை.
சமீபத்தில் மலையாளத்தில் மாமாங்கம் படத்தில் நடிகர் மம்முட்டியுடன் முக்கிய கதாபாத்திரத்தில் நடித்து ரசிகர்களை மிரள வைத்துள்ளார்.இவர் தொடர்ந்து மலையாள படங்களில் நடித்து வருகிறார். இவர் தமிழில் பட வாய்ப்புக்காக அடிக்கடி பல போட்டோ ஷூட்களை நடத்தி சமூக வலைதளங்களில் புகைப்படங்களை வெளியிட்டு வருகிறார்.
அப்படி அவர் வெளியிட்டு வைரலான இன்ஸ்டாகிராம் ரீல்ஸ் இணையத்தில் கவனம் பெற்று வருகிறது.
